श्री गणेशाचे दर्शन घेऊन संघर्ष योध्दा मनोज जरांगे पाटील मुंबई कडे रवाना!
संपादकीय
राज्यात मराठा आरक्षण आंदोलनाचा विषय पुन्हा तापला आहे. मनोज जरांगे पाटील आज मुंबईच्या दिशेने कूच करणार आहेत. मनोज जरांगे पाटील यांची समजूत घालण्याचे सरकारकडून प्रयत्न झाले. पण मनोज जरांगे पाटील आपल्या मागण्या आणि आंदोलनावर ठाम आहेत राज्यात मराठा आरक्षण आंदोलनाचा मुद्दा पुन्हा एकदा तापला आहे. मराठा आरक्षण आंदोलनाचे नेते मनोज जरांगे पाटील आज मुंबईकडे निघणार आहेत. आजपासून मुंबईसह राज्यभरात गणेशोत्सवाला सुरुवात झाली आहे. सणवाराच्या काळात आंदोलन नको, यासाठी सरकारकडून मनोज जरांगे पाटील यांची समजूत घालण्याचे प्रयत्न सुरु आहेत. पण ते आपल्या मागण्यांवर आणि मुंबईत येण्यावर ठाम आहेत. मराठा आरक्षणासाठी सुरू असलेला मनोज जरांगे पाटील यांचा लढा आता मुंबईकडे निघणार आहे. त्यांच्या या मराठा वादळाचा पहिला मुक्काम जुन्नर शहरात असणार आहे. मोठ्या प्रमाणात मराठा बांधवांची गर्दी अपेक्षित असल्याने कायदा आणि सुव्यवस्था अबाधित ठेवण्यासाठी पुण्याचे जिल्हाधिकारी जितेंद्र डुडी यांनी जुन्नर कृषी उत्पन्न बाजार समितीचा 28 ऑगस्ट रोजी होणारा शेतमालाचा लिलाव बंद ठेवण्याचे आदेश जारी केलेत.हैदराबाद गॅझेट, सातारा गॅझेटमधील नोंदीनुसार आम्हाला ओबीसी प्रमाणपत्र मिळावे, अशी मनोज जरांगे पाटील यांची मागणी आहे. “हैदराबाद गॅझेटच्या बाबतीत निर्णय घेण्यासाठी न्यायमूर्ती शिंदे यांच्या अध्यक्षतेखालील समितीस मुदतवाढ द्यावी, अशी मागणी करण्यात आली होती. या समितीला आता आणखी सहा महिने मुदतवाढ देण्याचा निर्णय घेण्यात आला आहे. त्यामुळे हैदराबादच्या गॅझेटचा अभ्यास करून त्यासंदर्भात निर्णय घेण्यात येईल. कारण ही प्रक्रिया क्लिष्ट आहे. जरांगे यांनीच केलेल्या मागणीनुसार शिंदे समितीला मुदतावाढ देण्यात आली आहे” असे राधाकृष्ण विखे यांनी सांगितले.
