१ ऑगस्टला कोणीही माझा वाढदिवस साजरा करून आनंद व्यक्त करायचा नाही – संघर्ष योध्दा मनोज जरांगे पाटील यांचे आव्हान!
बीड/प्रतिनिधी
महादेव मुंडे यांच्या पत्नी ज्ञानेश्वरी मुंडे या न्यायासाठी सरकारकडे दाद मागत आहेत. काल ज्ञानेश्वरी मुंडे यांनी मनोज जरांगे यांची भेट घेतली. यावेळी जरांगे यांनी सरकारला गंभीर इशारा दिला होता.यावेळी बोलताना मनोज जरांगे म्हणाले की, आम्ही कायम महादेव मुंडे यांच्या कुटुंबासोबत राहणार आहोत आणि न्याय भेटल्याशिवाय मागे हटणार नाही. हत्या किती क्रूरपणे झाली हे कुणाला माहीत नव्हते, पण पोस्टमार्टेम रिपोर्ट आल्यानंतर सर्वांना माहीत झाले. महादेव मुंडे यांची हत्या झाल्यानंतर आरोपी आठ दिवस मांस घेऊन फिरत होते. मुख्यमंत्री यांना मान खाली घालयला लावणारी बाब आहे. कारण तुमच्या राज्यात महादेव मुंडेचा खून होतो आणि ते आरोपी दोन वर्षे सापडत नाहीत यांचे दुःख व्यक्त करत संघर्ष योध्दा मनोज जरांगे पाटील यांनी त्यांचा वाढदिवस साजरा करायचा नाही व महादेव मुंडे यांच्या कुटुंबीयांच्या मागे खंबीरपणे उभे राहणाहुन त्यांना न्याय मिळवून देण्यासाठी प्रयत्न करणार असल्याचे संघर्ष योध्दा मनोज जरांगे पाटील यांनी सांगितले आहे.
