राज्यस्तरीय स्पर्धेसाठी पै. यशराज जयराम जाधव याची निवड !
परांडा तालुका प्रतिनिधी -जोतिराम घोगरे
परांडा तालुक्यातील इनगोदा येथील जयराम जाधव यांचा मुलगा यशराज जाधव याचे नेत्रदिपक यश. शुक्रवारी शिवणी लातूर येथे पार पडलेल्या विभागीय कुस्ती स्पर्धेत न्यू हायस्कूल आनाळा या शाळेचा विध्यार्थी पै. यशराज जयराम जाधव याने 14वर्ष वयोगट आणि 62किलो वजनी गटामधून सचिन तांबडे याच्यावर चित्त थरारक मात करून विभागातून प्रथम क्रमांक मिळवून राज्यस्तरीय कुस्ती स्पर्धत जोरदार मुसंडी मारली आहे. यशराजच्या या नेत्रदिपक कामगिरीमुळे न्यू हायस्कूल आनाळा व इनगोदा आणि पंचक्रोशीचे नाव आता महाराष्ट्रभर लौकिक झाले आहे.तसेच यामुळे शाळेच्याशिरपेचात मानाचा तुरा खोवला आहे पै. यशराज याचा आणि त्याचे वडील जयराम जाधव यांचा सत्कार प्रशालेच्या वतीने प्रशाळेचे अध्यक्ष मा. दत्तात्रय पाटील, सचिव लक्ष्मण हिवरे यांनी करून पुढील वाटचालीस शुभेच्छा देण्यात दिल्या. या प्रसंगी शाळेचे मुख्याध्यापक जयकुमार भोरे, क्रीडा शिक्षक सचिन पाटील, शिक्षक,कर्मचारी वर्ग आणि पालक जयराम जाधव उपस्थित होते..
