मुख्याध्यापक म्हाळप्पा कोकरे सर श्री नृसिंह विद्यालय गुणवंत शिक्षक पुरस्कार प्रदान !
केज/प्रतिनिधी
सोलापूर जिल्हा मराठी अध्यापक मंडळातर्फे प्रदान करण्यात आलेला गुणवंत शिक्षक पुरस्कार मिळणे ही प्रत्येक शिक्षकाच्या आयुष्यातील अविस्मरणीय घटना आहे; कारण ही आहे वर्षानुवर्षांच्या परिश्रमांची, निष्ठेची आणि शिक्षणाला दिलेल्या अखंड सेवाभावाची मिळालेली योग्य दाद. श्री नृसिंह विद्यालय, पाकणीचे मुख्याध्यापक मा. म्हाळप्पा कोकरे सर यांना हा मानाचा पुरस्कार जाहीर झाल्याची बातमी समोर आली आणि ते ज्या शिक्षण संस्थेत मुख्याध्यापक आहेत त्या संस्थेसह संपूर्ण परिसरात, शिक्षक समाजात तसेच माजी विद्यार्थ्यांच्या मनात आनंदाची लहर उमटली.कोकरे सर हे नाव फक्त मुख्याध्यापकाचे नाही, तर आदर्श मार्गदर्शक, संयमी प्रशासक, विद्यार्थ्यांना प्रोत्साहित करणारे खरे शैक्षणिक दीपस्तंभ म्हणून ओळखले जाते. ग्रामीण भागातील विद्यार्थ्यांना गुणवत्तापूर्ण शिक्षण देण्यासाठी त्यांनी केलेल्या प्रयत्नांची व्याप्ती मोठी आहे. शाळेतील शैक्षणिक उपक्रमांचा दर्जा उंचावणे, विज्ञान-गणितावर आधारित प्रकल्पांना प्रोत्साहन देणे, सांस्कृतिक- क्रीडा क्षेत्रातील विद्यार्थ्यांची वैशिष्ट्यपूर्ण वाढ घडवणे— या सर्वांचा ठसा त्यांच्या कामात स्पष्ट दिसतो.त्यांच्या नेतृत्वामुळे श्री नृसिंह विद्यालय फक्त परीक्षाफळातच नव्हे, तर विद्यार्थ्यांच्या सर्वांगीण विकासातही अग्रस्थानी राहिले आहे. शिक्षकांमध्ये टीमस्पिरिट निर्माण करण्याची त्यांची शैली, पालकांशी सुसंवाद ठेवून शाळेचे वातावरण आनंददायी बनवण्याची त्यांची हातोटी आणि विद्यार्थ्यांच्या प्रगतीसाठी सातत्याने नवे प्रयोग राबवण्याची त्यांची धडपड, यामुळे कोकरे सरांचे कार्य आज ‘गुणवंत शिक्षक’ या संकल्पनेचे खरे प्रतिक ठरले आहे.या गौरवामध्ये त्यांच्या संस्थेचे अध्यक्ष/ सचिव श्री सुबोध भैय्या शिंदे यांचे देखील मोलाचे सहकार्य व शुभेच्छा त्यांना वेळोवेळी मिळत असतात.अध्यापक मंडळाकडून मिळालेला हा गौरव त्यांच्या कार्यशैलीला अधिक दृढ करणाराच आहे. हा सन्मान म्हणजे त्यांच्या व्यक्तिमत्त्वाला, समर्पणाला आणि शैक्षणिक बांधिलकीला मिळालेली समाजाकडून अभिमानाची पावती होय.म्हाळप्पा कोकरे सर,
