जि.प., पं.स. साठी इच्छुकांची लग्ना अगोदरच बारश्याची तयारी ?म्हैस पाण्यात अन् म्हणे सौदा करा,वा रे तऱ्हा !
बीड/प्रतिनिधी
सध्या नगरपालिका महानगरपालिका अस्तित्वात असलेल्या ठिकाणी एकीकडे निवडणुकीची धामधूम सुरू असताना दुसरीकडे मात्र जिथे जिल्हा परिषद व पंचायत समितीच्या निवडणुका लागायला अजून बराच कालावधी बाकी असताना या निवडणुका लडविण्यासाठी इच्छुक असलेल्यांमध्ये लग्नाअगोदरच बारशाची तयारी सुरू झाल्याचे चित्र दिसून येत आहे. त्यांची ही तरा म्हणजे म्हैस पाण्यात अन् सौदा करा अशीच आहे.सध्या नगरपालिका, महानगरपालिका निवडणुकांचे बारे जोरात बाहत आहे. या निवडणुकीसाठी जवळपास सर्वच पक्ष, नेते आणि कार्यकर्ते कामाला लागले आहेत. प्रत्येक राजकारणी आपापल्या परीने जनतेमध्ये या निवडणुकीसाठी एक प्रकारचे स्फूल्लिं पेटवीत आहे. जेणेकरून निवडणुकीत चुरस निर्माण व्हावी आणि आपल्या पक्षाच्या उमेदवाराला मतदारांनी मोठ्या प्रमाणात मतदान करून निवडून द्यावे. यासाठी प्रत्येक राजकारणी प्रयत्नशील आहे. जिथे नगरपालिका आणि महानगरपालिकांच्या निवडणुका लागल्या आहेत तिथे ही बाब जरी योग्य असली तरी जिल्हा परिषद आणि पंचायत समितीच्या निवडणुकांना अजून बराच काळ लाब आहेत परंतु इच्छुक उमेदवारांनी मात्र सर्कल मध्ये गिरक्या मारून मारून नागरिकांना उठून जायचे केले आहे असे चर्चा सत्र नागरिकांन मध्ये सुरू झाले आहे.
