राष्ट्रीय समाज पक्षाच्या प्रमुख कार्यकर्त्यांची बैठक १३ डिसेंबर रोजी केज येथे होणार !
केज/प्रतिनिधी
केज : राष्ट्रीय समाज पक्षाच्या वतीने प्रमुख कार्यकर्त्यांची महत्त्वपूर्ण बैठक दि. १३ डिसेंबर २०२५ रोजी केज येथील शासकीय विश्रामगृहात आयोजित करण्यात आली आहे. पक्ष संघटन मजबूत करणे, आगामी राजकीय नियोजन, कार्यकर्त्यांचे प्रश्न तसेच पुढील कार्यआराखडा याबाबत या बैठकीत सविस्तर चर्चा होणार आहे.या बैठकीचे अध्यक्षस्थान जिल्हाध्यक्ष कपिल भाऊ गाडेकर भूषविणार आहेत. तसेच कार्यक्रमाचे उद्घाटन लोकसभा अध्यक्ष विक्रम बप्पा सोनसळे यांच्या हस्ते होणार आहे.बैठकीस प्रमुख उपस्थिती म्हणून जिल्हा संपर्कप्रमुख महेश चौरे, युवक जिल्हाध्यक्ष बालाजी काळे, महिला जिल्हाध्यक्ष किरण डोळस, जिल्हा उपाध्यक्ष मुक्त राम अबुज, केज विधानसभा अध्यक्ष बाळासाहेब साखरे, एन. के. आप्पा तसेच पक्षाचे इतर मान्यवर पदाधिकारी उपस्थित राहणार आहेत.या बैठकीचे आयोजन राष्ट्रीय समाज पक्षाचे केज तालुका अध्यक्ष अशोक लांब यांनी केले असून सर्व पदाधिकारी व कार्यकर्त्यांनी निश्चित वेळेत उपस्थित राहण्याचे आवाहन करण्यात आले आहे.
